ایران کی مشترکہ عسکری کمانڈ خاتم الانبیا ہیڈ کوارٹرز کے ترجمان نے بیان جاری کرتے ہوئے کہا کہ آبنائے ہرمز ہماری ریڈ لائن ہے، امریکی مداخلت قبول نہیں، ایران کا خطے کے ممالک کو نقصان پہنچانے کا کوئی ارادہ نہیں ہے۔
ترجمان ایرانی افواج کا کہناتھا کہ ایرانی انفرااسٹرکچر کو نشانہ بنایا گیا تو پورے خطے کا انفرااسٹرکچر ہمارا ہدف ہوگا، ایرانی افواج وطن کے دفاع کیلئے ہرم دم مستعد اور چوکس ہیں۔
ایرانی فوج کے ترجمان بریگیڈیئر جنرل محمد اکرمنیا نے کہا کہ امریکی جارحیت جاری رہی تو جنگ کا دائرہ وسیع ہوگا،ہماری افواج نے اپنی اکثر صلاحیتوں کا ابھی مظاہرہ نہیں کیا۔
ایرانی سپریم لیڈر کے مشیرعلی اکبر ولایتی نےکہا کہ دنیا کی کوئی طاقت آبنائے ہرمز کو ایران سے چھین نہیں سکتی، آبنائے ہرمز کا کنٹرول رہبراعلیٰ مجتبیٰ خامنہ ای کے ویژن کے تحت حاصل کیا ہے۔
