سال 2026 کے لیے طب کا نوبیل انعام دماغی اسرار پر تحقیق کرنے والے 3 سائنسدانوں کے نام رہا ہے۔
ان میں سے 2 کا تعلق جرمنی جبکہ ایک کا امریکا سے ہے۔
میڈیسن کا نوبیل انعام امریکا سے تعلق رکھنے والے کارل ڈیسروتھ جبکہ جرمنی سے تعلق رکھنے والے پیٹر ہیگمین اور جارج ناگل کے نام رہا۔
نوبیل کمیٹی کی جانب سے جاری بیان میں کہا گیا کہ ان سائنسدانوں نے دماغی اسرار آپٹو جینیٹکس (دماغی اعصابی خلیات اور روشنی سے جڑے جینز) اور روشنی جذب کرنے والے پروٹینز سے متعلق تفصیلات کو دریافت کیا۔
ان کے تحقیقی کام سے ایسی تکنیک کو تیار کرنے میں مدد ملی جس سے یہ جاننا ممکن ہوا کہ دماغ کس طرح یادوں، احساسات اور رویوں کو مرتب کرتا ہے۔
اس سال طب کا نوبیل انعام جیتنے والے سائنسدانوں میں ایک کروڑ 20 کرونا کی رقم برابر تقسیم کی جائے گی۔
پیٹر ہیگمین اور جارج ناگل نے ایک پروٹین channelrhodopsin کو دریافت کیا تھا جبکہ کارل ڈیسروتھ نے نے پروٹین کو اعصابی خلیات کے لیے ایک لائٹ کنٹرول سوئچ میں تبدیل کر دیا۔
خیال رہے کہ 6 اکتوبر کو فزکس، 7 اکتوبر کو کیمسٹری اور 8 اکتوبر کو ادب کے نوبیل انعام کا اعلان کیا جائے گا۔
امن کے نوبیل انعام کا اعلان 9 اکتوبر جبکہ معیشت کا نوبیل انعام 12 اکتوبر کو دیا جائے گا۔
اس سے قبل 2024 میں نوبیل کمیٹی نے مدافعتی نظام کے افعال کے بارے میں تفصیلات سامنے لانے والے 3 سائنسدانوں کو طب کا نوبیل انعام دینے کا اعلان کیا تھا۔
