حکومت نے آئی ایم ایف کی ایک اور شرط پر عمل درآمد کرتے ہوئے پیٹرول اور ہائی اسپیڈ ڈیزل پر عائد کلائمیٹ سپورٹ لیوی میں 100 فیصد اضافہ کر دیا۔
نوٹیفکیشن کےمطابق کلائمیٹ سپورٹ لیوی 2 روپے 50 پیسےفی لیٹر سے بڑھا کر 5 روپے فی لیٹر کر دی گئی ہے،جبکہ اس اضافے کو ایڈجسٹ کرنے کے لیے پیٹرولیم لیوی میں ڈھائی، ڈھائی روپے فی لیٹر کمی کر دی گئی ہے۔
نئی شرح کے تحت ڈیزل پرپیٹرولیم لیوی 79 روپے 97 پیسےسےکم ہو کر 77 روپے 47 پیسےفی لیٹر،جبکہ پیٹرول پر پیٹرولیم لیوی 66 روپے 66 پیسے سے کم ہو کر 64 روپے 16 پیسے فی لیٹر ہو گئی ہے۔
حکومت کےمطابق نئی لیوی کا اطلاق یکم جولائی سے ہو چکا ہے،پیٹرولیم لیوی میں کمی کلائمیٹ سپورٹ لیوی کوایڈجسٹ کرنے کیلئے کی گئی، دو مختلف لیوی ٹیکس کی شرح میں ایڈجسٹمنٹ سےقیمتوں میں کوئی ردوبدل نہیں کیاگیا۔
دوسری جانب پاکستان پیپلز پارٹی کی مرکزی رہنما سینیٹر شیری رحمان نے کلائمیٹ سپورٹ لیوی میں سو فیصد اضافے پر شدید تحفظات کا اظہارکردیا،سوال بھی اٹھا دیا کہ کلائمیٹ سپورٹ لیوی کے نام پر وصول رقم آخرکہاں خرچ کی جا رہی ہے؟کلائمیٹ سپورٹ لیوی کا مقصد صرف ریونیو اکٹھا کرنا نہیں ماحولیات کا تحفظ ہونا چاہیے۔
