مستونگ، دشت میں موٹر سائیکل چھیننے کی کوشش کرنے والا ڈاکو پولیس اہلکار کی فائرنگ سے ہلاک، دوسرا زخمی

مستونگ: مستونگ کے علاقے میں پولیس اہکار نے موٹرسائیکل چھیننے کی کوشش کرنے والے ایک ڈاکو کو فائرنگ کرکے ہلاک دوسرے کو زخمی کردیا۔ پولیس کے مطابق منگل کی صبح ایگل اسکواڈ کا ایک اہکار ڈیوٹی کے لیے دشت سے مستونگ شہر جارہاتھا۔ راستے میں دشت کمبیلا کے مقام پر دو مسلح ڈاکووں نے اسلحہ کے زور پر ان سے موٹر سائیکل چھینے کی کوشش کی۔ اہلکار نے حاضر دماغی اور بہادری کا مظاہرہ کرتے ہوئے پستول سے جوابی فائرنگ کی جس کے نتیجے میں ایک ڈاکو محمد یوسف ولد محمد علی شاہوانی موقع پر ہلاک جبکہ دوسرا ساتھی محمد حسن ولد محمد عظیم بنگلزئی زخمی ہوگیا ۔ دونوں ملزمان کا تعلق کوئٹہ کے علاقے سریاب کسٹم سے بتایا جاتا ہے۔ لاش اور زخمی ڈاکو کو ڈسٹرکٹ ہیڈ کوارٹر ہسپتال مستونگ منتقل کردیا گیا ۔ مزید کاروائی متعلقہ پولیس کررہی ہے۔