پشاور ہائیکورٹ نے لاپتہ افراد کی بازیابی کے لیے دائر نو درخواستوں پر وفاقی اور صوبائی حکومت کو نوٹسز جاری کردئیے۔
پشاورہائیکورٹ میں لاپتہ افرادکی بازیابی کے لیےدائرنودرخواستوں پر جسٹس سید ارشد علی نے سماعت کی،سماعت کےدوران اسسٹنٹ ایڈووکیٹ جنرل جواد خان، اسسٹنٹ اٹارنی جنرل اور پولیس فوکل پرسن عدالت میں پیش ہوئے۔
عدالت نے آٹھ درخواستوں پر وفاقی وصوبائی حکومت سمیت دیگر فریقین سے رپورٹ طلب کرلی،نور بی بی کی جانب سے دائر ایک درخواست میں اسسٹنٹ ایڈووکیٹ جنرل نے بتایا کہ اس کیس میں ایف آئی آر درج ہو چکی ہے،جس پر عدالت نے مذکورہ درخواست نمٹا دی۔
