وائٹ ہاؤس میں میڈیا سے گفتگو کرتے ہوئے ڈونلڈ ٹرمپ کا کہنا تھا کہ فرانسیسی صدر میکرون جو کہتے ہیں اس سے فرق نہیں پڑتا، مگر وہ بہت اچھے انسان ہیں۔
ادھر میڈیا سے گفتگو میں صدر ٹرمپ نے حماس کو دھمکی دیتے ہوئے کہا کہ ہم نے غزہ سے بہت سے یرغمالی نکال لیے ہیں اور جو رہ گئے ہیں ان کی رہائی بھی جلد ہوگی۔
خیال رہے اس سے قبل امریکی وزیر خارجہ مارکو روبیو نے بھی سوشل میڈیا پلیٹ فارم ایکس پر فرانس کے فلسطین کو بطور ریاست تسلیم کرنے کے اعلان کے جواب میں اپنی پوسٹ میں لکھا کہ جلد بازی میں کیا گیا لاپرواہی پر مبنی فیصلہ صرف حماس کے پراپیگنڈے کو تقویت دے گا اور اس سے امن کو دھچکا لگے گا۔
