اسلام آباد: وزیر دفاع خواجہ آصف نے کہا ہےکہ پی ٹی آئی کے سارےگروپوں میں ہزاروں اختلاف مگر ایک ایشو پر مکمل اتفاق ہے کہ عمران خان اندر رہے۔
سوشل میڈیا پلیٹ فارم ایکس پر جاری بیان میں خواجہ آصف نے کہا کہ کے پی حکومت عمران خان کیلئے رہائی فورس بنائے گی مگر دہشتگردوں کے خلاف زبان نہیں کھولے گی،کے پی حکومت شہدا کے جنازوں میں شرکت سے گریز کرے گی۔
انہوں نے کہا کہ روزانہ پولیس کی شہادتیں ہو رہی ہیں اور زندہ جلایا جا رہا ہے مگر بانی پی ٹی آئی ترجیح اول اور آخر ہے، باقی سب بے معنی اور بے وقعت ہے۔
خواجہ آصف کا کہنا تھا کہ وزارت اعلیٰ بچاؤ نمبر ٹانگو صوبہ گیا بھاڑ میں، وطن کی سلامتی کی کوئی وقعت نہیں، باہر بیٹھے یو ٹیوبرز کا دھندہ عروج پر ہے، اندر بیٹھےایک دوسرے کوگالی دے رہے ہیں۔
انہوں نے مزید کہا کہ کیسی سیاسی جماعت ہے جس کے کتنے ٹکڑے کسی کو معلوم نہیں، سب چاہتے ہیں وہ اندر رہے، پی ٹی آئی کےسارےگروپوں میں ہزاروں اختلاف مگر ایک ایشو پرمکمل اتفاق کہ عمران خان اندر رہے۔
