بی بی سی اردو کے مطابق اتوار کو کابل میں ایک تقریب سے خطاب کرتے ہوئے افغان وزیر خارجہ امیر خان متقی نے بھی مذاکرات کی ناکامی پر تفصیلی بیان دیا ہے۔ انہوں نے دعوی کیا کہ مذاکرات میں ناکامی پاکستان کے ُغیرمعقول اور ناقابل عمل مطالبات ُ کی وجہ سے ہوئی۔
اُن کا کہنا تھا کہ پاکستان نے استنبول مذاکرات کے دوران اس بات کی ضمانت مانگی تھی اب پاکستان میں دہشت گردی کے مزید واقعات نہیں ہونے چاہییں ۔
اُن کا کہنا تھا کہ ایک موقع پر تو یہ بھی کہا گیا کہ ٹی ٹی پی گروپس کو افغانستان منتقل کردیا جائے۔
امیر خان متقی کا کہنا تھا کہ پاکستان کا کہنا تھا کہ ہمیں ضمانت دی جائے کہ پاکستان میں اب دہشت گردی کا ایک بھی واقعہ نہیں ہوگا۔ تو کیا ہم پاکستان کی سیکورٹی کے ذمہ دار ہیں؟ تو کیا ہمارے پاس وہاں فوج ہے؟ کیا ہمارے وہاں پولیس یا فوج ہے جو سیکورٹی یقینی بناتی ہے؟
امیر خان متقی کا کہنا تھا کہ ایک طرف پاکستان ٹی ٹی پیپ پر سرحد پار سے آکر حملے کے الزامات عائد کرتا ہے، تو دوسری جانب یہ مطالبہ بھی کررہا ہے کہ اس گروپ کے ارکان کو پاکستان سے افغانستان منتقل کیا جائے۔
