متحدہ عرب امارات کی وزارتِ خارجہ نے کہا ہے کہ یو اے ای اپنی خودمختاری، سلامتی اور قومی مفادات کے تحفظ کے لیے تمام قانونی، سفارتی اور عسکری حقوق محفوظ رکھتا ہے۔
وزارتِ خارجہ کےبیان میں کہاگیا کہ کسی بھی “خطرے یا جارحانہ اقدام” کا مقابلہ کرنے کے لیے ریاست اپنے مکمل خودمختار اختیارات استعمال کرنے کا حق رکھتی ہے۔
یو اے ای حکام کےمطابق حالیہ تمام اقدامات دفاعی حکمتِ عملی کے تحت کیے گئے،جن کا مقصد ملکی خودمختاری، شہریوں کے تحفظ اور اہم تنصیبات و بنیادی ڈھانچے کی حفاظت یقینی بنانا تھا۔
بیان میں اس عزم کا بھی اظہار کیا گیا کہ متحدہ عرب امارات خطے میں استحکام اور اپنی قومی سلامتی کے تحفظ کے لیے ضروری اقدامات جاری رکھے گا۔
