کراچی سمیت ملک بھر میں عاشورہ کے جلوس روایتی راستوں پر رواں دواں، سیکیورٹی کے سخت انتظامات

کراچی:پاکستان سمیت دنیا بھر میں یوم عاشور آج عقیدت و احترام کے ساتھ منایا جارہا ہے، اس دوران عزادارن حضرت امام حسین کی عظیم اور لازوال قربانی کو خراج عقیدت پیش کر رہے ہیں، ملک بھر میں یوم عاشور پر سیکیورٹی کے سخت انتظامات کیے گئے ہیں، عاشورہ کے جلوس ملک بھر میں اپنے روایتی راستوں پر رواں دواں ہیں۔ڈان نیوز کے مطابق کراچی میں مجلسِ عزا کے بعد نشتر پارک سے یوم عاشور کا جلوس برآمد ہوگیا ہے، عزاداروں کی بڑی تعداد شریک ہے، شرکا نے تبت سینٹر ایم اے جناح روڈ پر نماز ظہرین ادا کی ہے، جلوس اپنے مقررہ راستوں سے ہوتا ہوا حسینیہ ایرانیان امام بارگاہ کھارادر میں ختم ہوگا۔ملک بھر کی طرح کراچی میں بھی نواسہ رسول حضرت امام حسین علیہ السلام اور شہدائے کربلا کی یاد مرکزی جلوس کی گزر گاہوں پر خصوصی سبیلوں اور لنگر کا اہتمام کیا گیا ہے، جہاں بڑوں کے ساتھ بچے بھی عزاداروں کی خدمت میں پیش پیش ہیں، اسی طرح لاہور اور ملک کے دیگر شہروں میں بھی جلوسوں کے روٹس پر سبیلیں اور انواع و اقسام کے کھانے تقسیم کیے جارہے ہیں۔کراچی میں جلوسوں کے لیے سیکیورٹی کے سخت انتظامات کیے گئے ہیں، ڈی جی رینجرز سندھ نے کنٹرول روم کا دورہ کرکے سیکیورٹی انتظامات کا جائزہ لیا۔لاہور میں نثارحویلی سے جلوس برآمدلاہور میں نثار حویلی سے برآمد ہونے والا 10 محرم الحرام کا مرکزی جلوس اپنے مقررہ راستوں پر گامزن ہے، جلوس چوک نواب صاحب سے گزر کر منزل کی جانب رواں دواں ہے۔تاریخی نثار حویلی سے نکلنے والے عاشورہ کے جلوس میں شامل عزادار ماتم داری اور نوحہ خوانی سے حضرت امام حسین رضی اللہ تعالی عنہ اور ان کے ساتھ شہدا کو پرسہ دے رہے ہیں
، شرکا نے امام حسین اور ان کے رفقا کی لازوال قربانی کو خراج عقیدت پیش کیا۔جلوس کے شرکا نے چوک رنگ محل پر نماز ظہرین ادا کی، جلوس اپنے روایتی راستوں چوہٹہ مفتی باقر، مسجد وزیر خان، کشمیری بازار صرافہ بازار، گمٹی بازار، ڈبی بازار، سید مٹھا تحصیل بازار، بازارحکیماں، بھاٹی گیٹ سے ہوتا ہوا کربلا گامے شاہ پہنچ کر اختتام پذیر ہوگا۔راولپنڈی، پشاور میں بھی جلوس برآمد راولپنڈی میں یوم عاشور کا مرکزی جلوس 10 بجے امام بارگاہ عاشق حسین سے بر آمد ہوا، تحریک نفاذ فقہ جعفریہ کے علامہ حسین نے تبرکات کی زیارت کے بعد جلوس برآمد کروایا۔پشاور میں یوم عاشور کے موقع پر سخت سیکیورٹی اقدامات کیے گئے ہیں، یوم عاشور کے سلسلے میں ایک درجن سے زائد امام بارگاہوں سے علم اور ذوالجناح کے جلوس برآمد ہوئے،یوم عاشور کا پہلا جلوس 11 بجے کوچی بازار امام بارگاہ اغا سید علی شاہ رضوی سے برآمد ہوا تھا۔روالپنڈی کا مرکزی جلوس کمیٹی چوک سے گزرتا ہوا فوارہ چوک پر پہنچا، عزاداروں کی طرف سے فوارہ چوک پر نماز ظہرین کی ادائیگی کی گئی، فوارہ چوک پر مقررین نے خطاب کیا۔
ملک بھر میں 4 ہزار 836 جلوس نکالے جارہے ہیں یوم عاشور پر ملک بھر 4 ہزار 836 جلوس نکالے جا رہے ہیں، یوم عاشور پر ملک بھر میں 5 ہزار 480 مجالس ہوں گی، یوم عاشور پر ایک ہزار 301 علاقے انتہائی حساس قرار دیے گئے ہیں۔وفاقی وزارت داخلہ کے مطابق اسلام آباد میں مرکزی مانیٹرنگ سیل کا صوبائی کنٹرول رومز سے مسلسل رابطہ ہے، وفاقی وزیرداخلہ محسن نقوی، وزیر مملکت صورت حال کی مسلسل مانیٹرنگ کر رہے ہیں، اور وزیراعظم کو امن و امان پر مسلسل اپ ڈیٹ کیا جا رہا ہے۔اسلام اباد سمیت پنجاب، خیبرپختونخوا، بلوچستان، سندھ، آزاد کشمیر و گلگت بلتستان میں یوم عاشور پر سخت ترین حفاظتی اقدامات کیے گئے ہیں، اسلام آباد میں آج 54 مجالس، 12جلوس جبکہ پنجاب میں 2502 مجالس اور 3025 جلوس نکالے جا رہے ہیں۔سندھ میں عزادار 1040 مجالس، 1039 جلوس نکال رہے ہیں، اور خیبرپختونخوا میں 735 مجالس و 257 جلوس نکالے جارہے ہیں۔بلوچستان میں 32 مجالس، 24 جلوس، گلگت بلتستان میں 1070 مجالس، 141 جلوس اور آزاد کشمیر میں 47 مجالس اور41 جلوس انعقاد پذیر ہوں گے۔وفاقی وزیر داخلہ مھسن نقوی کا کہنا ہے کہ 9 ویں محرم کی طرح یوم عاشور پر بھی امن و امان کے لیے تمام فورسز اور انتظامیہ ہائی الرٹ ہیں، سوشل میڈیا پر مذہبی منافرت اور فرقہ واریت پر کریک ڈاؤن جاری ہے۔انہوں نے کہا کہ یوم عاشور پر موثر اقدامات کیے ہیں، ان شا اللہ عاشورہ محرم بخیر و عافیت گزرے گا، فوج، رینجرز، پولیس، انتظامیہ اور دیگر اداروں کو خراج تحسین پیش کرتا ہوں۔واقعہ کربلا باطل کیخلاف ابدی جدوجہد کی علامت ہے
، صدرصدر مملکت آصف علی زرداری نے کہا ہے کہ واقعہ کربلا باطل کے خلاف ایک ابدی جدوجہد کی علامت ہے، امامِ عالی مقام کی شہادت ایک الٰہی مشن تھام جس کی بنیاد صداقت، عدل اور خدا کی رضا تھی۔انہوں نے اپنے خصوصی پیغام میں کہا کہ کربلا ضمیر، کردار اور دین کی اصل روح کا امتحان تھا، امام حسین علیہ السلام کا عظیم پیغام اصولوں پر ڈٹ جانے، ظلم و جبر کے سامنے نہ جھکنے کا ہے۔صدر آصف زرداری نے کہا کہ آج ملک کو درپیش چیلنجز کے تناظر میں ہمیں بطور قوم حسینی کردار کی ضرورت ہے، ہمیں آج یہ عہد کرنا ہے کہ پاکستان کو امام حسین علیہ السلام کے پیغامِ حریت اور عدل کا مظہر بنائیں گے۔حق کا راستہ کٹھن، مگر دائمی فلاح کا ذریعہ ہے، وزیراعظم وزیرِاعظم شہباز شریف نے کہا ہے کہ واقعہ کربلا یہ درس دیتا ہے کہ حق کا راستہ کٹھن مگر دائمی فلاح کا ذریعہ بنتا ہے، اگر ہم معرکہ کربلا کی روشنی میں اپنا راستہ طے کریں تو پاکستان فلاحی اور خوددار ریاست بن سکتا ہے۔یوم عاشور پر اپنے پیغام میں وزیراعظم شہباز شریف نے کہا کہ یہ دن ہمیں صبر، قربانی اور اصولوں پر ڈٹے رہنے کی عظیم مثال عطا کرتا ہے، میدانِ کربلا کوئی عام معرکہ نہیں بلکہ رہتی دنیا تک ایک دائمی پیغام ہے۔