مستونگ: مستونگ میں انٹرنیٹ سروس کی طویل بندش کے بعد آج پی ٹی سی ایل کی فون اور براڈبینڈ سروس بھی اچانک معطل ہو گئی، جس سے شہریوں اور کاروباری حلقوں کو شدید مشکلات کا سامنا ہے۔
علاقہ مکنین کے مطابق گزشتہ کئی دنوں سے انٹرنیٹ سروس پہلے ہی متاثر تھی، تا ہم آج ہفتہ کی صبح سے پی ٹی سی ایل لینڈ لائن اور براڈبینڈ کنکشن بھی بند ہو گئے۔
ایک شہری نے بتایا کہ پہلے انٹرنیٹ نہیں چل رہا تھا، اب پی ٹی سی ایل کی سروس بھی بند ہو گیا۔ آن لائن کام اور تعلیم دونوں بری طرح متاثر ہو رہے ہیں۔
ذرائع کے مطابق مستونگ اور گردونواح کے متعد علاقوں میں سروس بندش کی اطلاع موصول ہوئی ہے۔ تا ہم پی ٹی سی ایل انتظامیہ کی جانب سےبندش کی وجوہات یا بحالی کے وقت کے بارے میں کوئی سرکاری بیان جاری نہیں کیا گیا۔
