کوئتہ: صوبائی دارالحکومت کوئٹہ میں سیکورٹی کے نام پر مرکزی شاہراہوں کی بندش، ٹریفک نظام مفلوج، شہری شدید مشکلات کا شکار۔ کوئٹہ کے مرکزی علاقوں میں سیکورٹی انتظامات کے باعث شاہراہوں کی بار بار بندش نے ٹریفک نظام بری طری مفلوج کردیا ہے، جس کے نتیجے میں شہری شدید مشکلات سے دوچار ہیں۔
عوامی حلقوں نے مطالبہ کیا ہے کہ ایف سی ہیڈ کوارٹر جو ماڈل ٹاون کے قریب واقع ہے، اسے شہر سے باہر کینٹ ایریا میں منتقل کیا جائے ، تاکہ بار بار لگنے والی سیکورٹی ڈائیورشنز سے نجات مل سکے۔ شہریوں کے مطابق ایف سی ہیڈکواٹرکی موجودگی کے باعث ماڈل ٹاون اطراف کی سڑکوں آئے روز روکاوٹیں کھڑی کردی جاتی ہیں جس ٹریفک کی روانی متاثر ہوتی ہے۔ ؎
دوسری جانب انسکمب روڑ پر بھی سیکورٹی وجوہات کی بنیاد پر ٹریفک کی بندش معمول بن چکی ہے جب کہ وائٹ روڑ اور ریلوے اسٹیشن کے داخلی و خارجی راستوں پر بھی روکاوٹیں شہریوں کے لیے مزید مشکلات پیدا کررہی ہیں ۔ شہریوں نے حکام سے اپیل کی ہے ٹریفک مسائل کے مستقل حل کے لیے فوری موثر اقدامات کیے جائیں تاکہ عوام کو روزمرہ کی پریشانیوں سے نجات مل سکے۔
