پیپلز پارٹی ناراض بلوچوں کے ساتھ مذاکرات کیلئے تیار ہے‘علی حسن زہری

حب:صدر زرداری کے ترجمان برائے بلوچستان صوبائی وزیر میر علی حسن زہری نے کہا ہے کہ پیپلز پارٹی ناراض بلوچوں کے ساتھ مذاکرات کے لئیے تیار ہے۔ وزیر اعلی بلوچستان میرسرفراز بگٹی کا بلوچستان میں قیام امن کے لئے آپریشن آخری اپشن سے متعلق بیان جذبات کا اظہار تھا لیکن پیپلز پارٹی کا پالیسی بیان نہیں ہے۔پیپلزپارٹی مارنگ بلوچ سمیت ناراض بلوچوں کے ساتھ مذاکرات کے لئیے تیار ہیں اختر مینگل سمیت تمام سیاسی قائدین کو ساتھ بات چیت کے تیار ہیں ان خیالات کا اظہار انہوں نے لیڈا میں پریس کانفرنس سے خطاب کرتے ہوئے کیا انہوں نے کہا کہ پاکستان پیپلز پارٹی ناراض بلوچ بھائیوں سے مذاکرات کے لئے تیار ہے
بلوچستان کے مسئلے کا حل بندوق سے نہیں بلکہ بات چیت سے ممکن ہے صدر پاکستان آصف علی زرداری مذاکرات کے ذریعے بلوچستان کے مسئلے کا حل ڈھونڈ نے کے حق میں ہیں جعفر ایکسپریس کے واقعہ پر پوری قوم افسردہ ہے انہوں نے کہا کہ محترمہ بینظیر کی شہادت پر پاکستان کھپے کا نعرہ لگانے والا آصف زرداری بھی بلوچ ہے یہ ملک بھی ہمارا ہے انہوں نے ناراض بلوچوں کو مذاکرات کی دعوت دیتے ہوئے کہا کہ وہ جس سطح پر مذاکرات کرنا چاہیں پیپلز پارٹی اس کے لئے تیار ہے صدر پاکستان آصف علی زرداری نے 2013 میں آغاز حقوق بلوچستان پیکیج دے کر بلوچستان کے معاملات کو بہتر کیا اسوقت بھی صدرزرداری بلوچستان کی ترقی اور یہاں کے عوام کا طرز زندگی بہتر بنانے کے حوالے سے دن رات کوشاں ہیں
ان کے حالیہ دورہ چین کے موقع پر 7 معاہدوں پر دستخط ہوئے جس سے بلوچستان میں اربوں روپے کی غیر ملکی سرمایہ کاری ہونے جا رہی ہے یہی نہیں بلوچستان کی بنجر زمینوں کو آباد کرنے کے لئے یوکرین کے ساتھ پانی کا معاہدہ آخری مراحل میں ہے چند ہفتوں میں معاہدے پر دستخط کے بعد یو کرین سے پائپ لائین کے ذریعے پانی بلوچستان لا کر یہاں کی زمینوں کو آباد کرنے کے منصوبے کو عملی جامہ پہنایا جا سکے گا جس سے بلوچستان میں زراعت کو فروغ دے کر خوشحالی کے نئے دور کا آغاز ہوگا انہوں نے ناراض بلوچوں کو مخاطب کرتے ہوئے دعوت دی کہ بلوچستان کے مسئلے کا حل گولی اور گالی میں نہیں بلکہ ٹیبل ٹاک میں ہیآ مزاکرات کی میز پر بیٹھ کر مل کر بات چیت کے ذریعیحل ڈھونڈتے ہیں انہوں نے کہا کہ جعفر ایکسپریس حملہ اور قیمتی انسانی جانوں کا ضیا انتہائی افسوسناک ہے اس افسوسناک واقعہ پر پوری قوم افسردہ ہے اس واقعہ میں ان سپاہیوں کو نشانہ بنایا گیا جو ہر مصیبت میں ہماری مدد کرتے تھے۔