بلوچستان کے ضلع قلعہ عبداللہ میں 24 گھنٹوں کے دوران دستی بم حملے اور فائرنگ کے مختلف واقعات میں بچے سمیت 7 افراد زخمی ہو گئے۔
تفصیلات کے مطابق بلوچستان کے سرحدی ضلع قلعہ عبداللہ میں پہلی واردات آرمبی کا کوزئی کلی خچو میں پیش آئی جہاں نامعلوم افراد کے دستی بم حملے میں 5 سالہ بچہ فہیم شاہ شدید زخمی ہو گیا اور اس کے ہاتھ کی تین انگلیاں ضائع ہو گئیں۔
دوسرا واقعہ میزئی اڈہ میں پیش آیا جہاں فائرنگ سے محمد ولی نامی شخص شدید زخمی ہوا۔ ادھر جنگل پیر علیزئی میں مسلح کار اور موٹر سائیکل سواروں نے ایک قبائلی گروہ کے دفتر پر اندھا دھند فائرنگ کر دی، جس سے 5 افراد لہولہان ہو گئے۔
تمام زخمیوں کو تشویشناک حالت میں ابتدائی طبی امداد کے بعد کوئٹہ منتقل کر دیا گیا ہے جبکہ پولیس نے واقعات کی تحقیقات شروع کر دی ہیں۔
