پشین میں چیک پوسٹ پر حملہ، ایک اہلکار شہید:
پشین کی تحصیل حرمزئی میں پولیس چوکی پر مسلح حملہ ہوا، جس کے نتیجے میں ایک اہلکار شہید ہو گیا۔
پولیس ذرائع کے مطابق تحصیل حرمزئی کے علاقے کلی لمڑان میں نامعلوم افراد نے پولیس چوکی کو نشانہ بنایا، حملے میں حوالدار نعمت اللہ جامِ شہادت نوش کر گئے۔
واقعے کے بعد حملہ آور فرار ہونے میں کامیاب ہو گئے، جبکہ پولیس کی بھاری نفری نے علاقے کو گھیرے میں لے کر سرچ آپریشن شروع کر دیا ہے۔
