کوئٹہ:وزیر اعلیٰ بلوچستان میر سرفراز بگٹی سے جمعیت علمائے اسلام کے مرکزی سیکرٹری جنرل مولانا عبدالغفور حیدری کی سربراہی میں وفد نے گزشتہ روز ملاقات کی۔ملاقات میں جمعیت علمائے اسلام کے صوبائی امیر سینیٹر مولانا عبدالواسع، اپوزیشن لیڈر یونس عزیز زہری سمیت سنیئر صوبائی اکابرین بھی شریک تھے۔ملاقات میں بلوچستان میں امن و امان اور مجموعی صورتحال سمیت بلوچستان نیشنل پارٹی کے دھرنے پر تفصیلی تبادلہ خیال کیا گیا جمعیت علمائے اسلام کے وفد نے موجودہ صورتحال میں ثالثی کا کردار ادا کرنے کی پیشکش کردی۔ ملاقات کے دوران وزیر اعلیٰ بلوچستان میر سرفراز بگٹی نے حکومت کے موقف سے جے یو آئی(ف)کے وفد کو آگاہ کیا اور کہا کہ بلوچستان میں بحالی امن کاقیام حکومت اور اپوزیشن دونوں کی زمہ داری ہے جمعیت علما اسلام حکومت میں رہی یا اپوزیشن میں ایک زمہ دار سیاسی قوت کے طور پر اپنا کردار ادا کرتی رہی ہے جمعیت علما اسلام نے ہمیشہ ایک مثبت سیاسی کردار ادا کیا ہے جو لائق تحسین ہے، حکومت تمام سیاسی مسائل کا حل سیاسی مشاورت سے چاہتی ہے۔
بلوچستان میں بحالی امن کیلئے حکومت اور اپوزیشن کی ذمہ داری اہم ہے‘سرفراز بگٹی
