سعودی عرب کے شہر راس تنورا میں آئل ریفائنری پر ڈرون حملہ کیا گیا۔
شپنگ ذرائع کے مطابق پی این ایس سی چارٹر جہاز کی تیل لوڈنگ کے دوران راس تنورہ پورٹ پر ڈرون حملہ ہوا، پورٹ پر موجود پی این ایس سی چارٹر جہاز پر ہنگامی حالت نافذ کر دی گئی۔
ذرائع کے مطابق حملے کے وقت پی این ایس سی چارٹر جہاز پر پاکستان کے لیے تیل لوڈ کیا جا رہا تھا، ڈرون حملے کے بعد پی این ایس سی چارٹرجہاز پر تیل کی لوڈنگ معطل کردی گئی۔
ترجمان سعودی وزارت دفاع نے عرب ٹی وی سے گفتگو کرتے ہوئے بتایا کہ آرامکو کی راس تنورا تنصیبات کے قریب دو ڈرونز مار گرائے، راس تنورا پر حملے کے نتیجے میں کوئی شہری زخمی نہیں ہوا، حملے کے بعد گرنے والے ملبے سے ریفائنری میں محدود نوعیت کی آگ بھڑک اٹھی تھی۔
غیر ملکی خبر ایجسنی کا بتانا ہے کہ راس تنورہ پورٹ سے متصل ریفائنری بند کر دی گئی اور محدود آگ پر قابو پالیا گیا ہے۔
