ایس آئی ایف سی کےاصلاحاتی وژن کےتحت توانائی شعبےمیں مقامی پیداوار بڑھانے اور درآمدی انحصارکم کرنے کی سمت اہم پیش قدمی جاری ہے۔ بلوچستان میں گیس کا نیا ذخیرہ دریافت ہوگیا۔ جسے خود انحصاری مشن میں نمایاں پیش رفت قرار دیا جا رہا ہے۔
بلوچستان میں ماری انرجیزلمیٹڈ نے بلوچستان کےضلع ڈیرہ بگٹی میں واقع کلچس ساؤتھ بلاک کے تبری ون کنویں میں کامیاب گیس دریافت کا باضابطہ اعلان کردیا۔ یہ کلچس ساؤتھ بلاک میں پہلا کامیاب کنواں ہے۔ تبری ون کنواں گزشتہ برس کھودا گیا اور اسے 7 ہزار 170 فٹ کی گہرائی تک ڈرل کیا گیا۔
ابتدائی ٹیسٹنگ کے نتائج کے مطابق کنویں سے یومیہ گیارہ ایم ایم ایس سی ایف ڈی تک گیس کا بہاؤ ریکارڈ کیا گیا۔ کنویں کی مکمل پیداواری صلاحیت جانچنےکےلیےمزید ٹیسٹنگ اورتجزیاتی عمل جاری ہے۔
