تحریک تحفظ آئین پاکستان کے سربراہ محمود خان اچکزئی کا کہنا ہے کہ بیک ڈور کے راستے آپ کو نہیں بتا سکتے، میں زیادہ تفصیل میں نہیں جاتا ہم نے تحریکیں چلانی ہیں۔
لاہور مین میڈیا سے گفتگو کرتے ہوئے انہوں نے کہا کہ ہماری تحریک ملک بچانے کے لیے نکلی ہے، ہماری تحریک میں لوگ شامل ہورہے ہیں۔
محمود خان اچکزئی کا کہنا ہے کہ 8 فروری کو الیکشن کے لیے پارٹی سے نشان چھینا گیا، آئین پاکستان اور غریب سے محبت کریں۔
انہوں نے کہا کہ 26ویں ترمیم والے اللّٰہ سے معافی مانگیں۔ کوئی ملک افواج اور جاسوسی اداروں کے بغیر زندہ نہیں رہ سکتا ہے۔
ان کا کہنا تھا کہ بے انصافی سے ملک نہیں چلے گا، آئیں جمہوری پاکستان کی تشکیل نو کریں۔
تحریک تحفظ آئین پاکستان کے سربراہ نے یہ بھی کہا کہ جاتی امراء میرا گھر ہے، ہم سب ایک دوسرے کو جانتے ہیں۔
