بلوچستان کے ضلع کوہلو کے علاقے بوڑھڑی میں فائرنگ کا واقعہ پیش آیا، جس کے نتیجے میں دو افراد — جاڑا ولد ولی محمد اور دین محمد ولد محمد عظیم شدید زخمی ہو گئے۔ دونوں افراد قوم جروارمری سے تعلق رکھتے ہیں اور کاہان کے رہائشی ہیں۔
ابتدائی اطلاعات کے مطابق یہ فائرنگ پرانی دشمنی کا نتیجہ تھی، اور حملہ آور بھی اسی قوم سے تعلق رکھتے ہیں۔
واقعے کے بعد مقامی ہسپتال میں ایمرجنسی نافذ کر دی گئی، جہاں ایم ایس ڈاکٹر اصغر مری اور دیگر طبی عملہ زخمیوں کو طبی امداد فراہم کر رہے ہیں۔ابتدائی طبی امداد کے بعد دونوں زخمیوں کو ڈی جی خان منتقل کیا جارہا ہے۔
