وفاقی تحقیقاتی ادارے (ایف آئی اے) اینٹی ہیومن ٹریفکنگ سرکل نے کوئٹہ میں کارروائی کرکے انسانی اسمگلنگ میں ملوث منظم گینگ کا اہم ایجنٹ اور 6 افغانی باشندوں کو گرفتار کرلیا۔
ایف آئی اے نے بلوچستان کے دارالحکومت کوئٹہ میں کارروائی کی، اس دوران اہم گرفتاریاں کی گئیں۔
ترجمان ایف آئی اے کا کہنا تھا کہ کوئٹہ میں دوران کارروائی انسانی اسمگلنگ میں ملوث منظم گینگ کے اہم ایجنٹ طوریلائی عرف عبداللہ کوگرفتار کیا گیا۔
گرفتار ملزم کے قبضے سے زیر استعمال موبائل فون سے انسانی اسمگلنگ سے متعلق شواہد برآمد ہوئے جب کہ گرفتار ملزم انسانی اسمگلر نور اللہ کے ساتھ رابطے میں تھا۔
ترجمان ایف آئی اے نے مزید بتایا کہ ملزم دیگر ساتھیوں کی ملی بھگت سے غیر قانونی بارڈر کے ذریعے ایران بھجوانے میں ملوث ہیں۔
ایف آئی اے ترجمان کے مطابق دوران کارروائی 6 افغانی باشندوں کو بھی گرفتار کیا گیا۔
