تھائی لینڈ کی جانب سے کمبوڈیا سے جنگ بندی پر آمادگی ظاہر کردی گئی۔
رپورٹس کے مطابق قائم مقام تھائی وزیراعظم کا کہنا ہے کہ دوسرا فریق سنجیدہ نیت کا مظاہرہ کرے تو جنگ بندی کے لیے تیار ہیں۔
اس حوالے سے امریکی صدر ڈونلڈ ٹرمپ کا کہنا ہے وہ تھائی لینڈ اور کمبوڈیا کی جنگ رکوانے کی کوشش کر رہے ہیں، یہ ایک پیچیدہ مسئلہ ہے۔
ٹرمپ نے ایکس پر بیان میں کہا کہ دونوں کو کہہ دیا ہے کہ جنگ کرو گے تو ہم تجارت نہیں کریں گے۔
ڈونلڈ ٹرمپ نے بتایا کہ انہوں نے کمبوڈیا کے وزیراعظم سے رابطہ کر کے کشیدگی کم کرنے کی اپیل کی ہے جبکہ تھائی لینڈ کے قائم مقام وزیراعظم سے بھی بات چیت جاری ہے۔
