لاہور: مسلم لیگ (ن) کے سینئر رہنما جاوید لطیف نے کہا ہےکہ عمران خان آج بھی موجودہ سسٹم کا حصہ بننے کے لیے بے تاب ہیں۔
ایک پروگرام میں گفتگو کرتے ہوئے جاوید لطیف نے کہا کہ تحریک انصاف کے جیل سے باہر رہنماؤں کے مفادات موجودہ سسٹم سے جڑے ہیں اورعمران خان آج بھی موجودہ سسٹم کا حصہ بننے کے لیے بے تاب ہیں۔
انہوں نے کہا کہ 9 مئی نے سسٹم کو پاؤں پر کھڑا کیا، جنرل باجوہ کی پہلی ایکسٹینشن میں بھی نواز شریف کی حتمی منظوری شامل نہیں تھی۔
جاوید لطیف نے مزید کہا کہ ملک کو آگے لے کر جانا ہے تو نواز شریف کو کردار ادا کرنے پر تیار کیا جانا چاہیے۔
