برمنگھم: دو بچوں کیساتھ زیادتی، ملزم کو 26 سال قید کی سزا سنادی گئی

لندن: برمنگھم سے تعلق رکھنے والے ایک شخص کو دو بچوں کے ساتھ جنسی زیادتی سمیت کئی سنگین جرائم میں 26 سال کیلئے جیل بھیج دیا گیا ہے۔پولیس سے اگست 2024 میں ایک لڑکی کے ساتھ جنسی زیادتی کے بارے میں رابطہ کیا گیا۔ جس پر پولیس افسران نے فوری طور پر پوچھ گچھ کی اور مائر نامی شخص کو گرفتار کر لیا گیا۔مکمل چھان بین کے بعد افسران نے دریافت کیا کہ مائر کئی سال قبل دو نوجوانوں کے خلاف بدسلوکی کے کیٹلاگ کیلیے ذمہ دار تھا۔موٹ ہاس روڈ کے 35 سالہ نوجوان پر بعد ازاں 13 سال سے کم عمر کے بچے کے ساتھ زیادتی، ایک نوعمر لڑکی کے ساتھ زیادتی کے تین الزامات، جان سے مارنے کی دھمکیاں اور جسمانی نقصان کا الزام عائد کیا گیا۔ مائر نے تمام الزامات سے انکار کیا لیکن مقدمے کی سماعت کے بعد اسے قصوروار پایا گیا۔22 اپریل کو برمنگھم کران کورٹ میں اسے 26 سال قید کی سزا سنائی گئی۔ ویسٹ مڈلینڈز پولیس چائلڈ ابیوز انویسٹی گیشن ٹیم سے تعلق رکھنے والے ڈی سی ایبی لوئیس جیکسن نے کہا ہے کہ اس کیس کی تفصیلات واقعی خوفناک ہیں اور جن لوگوں کے ساتھ زیادتی ہوئی ہے انہوں نے بات کرنے میں بے پناہ جرات کا مظاہرہ کیا ہے۔